Bylgjan

Reykjavík síðdegis fimmtudaginn 12. september 2019

Ofbeldi barna gegn dýrum var rætt í upphafi þáttarins og við heyrðum enn af hreindýrskálfunum eftir veiði vetrarins. Vegtollar komu við sögu og sömuleiðis nýja fjárlagafrumvarpið og svo heyrðum við af ungri stúlku sem var rekin úr Strætó þar sem henni tókst ekki að borga fargjaldið með símanum sínum.

Reykjavík síðdegis miðvikudaginn 11. september 2019

Hlynur Hallgrímsson hjálpar fólki að sjá hvað hvað það fær mikla skattalækkun á þar- og þarþarnæsta ári. Fjöldi íþróttamannvirkja hérlendis eru ekki keppnishæf, hreindýrakálfar drepast móðurlausir úr vosbúð og einn af hverjum þremur Strætóbílstjórum kann ekki íslensku. En það horfir vel í efnahagslífinu, segir aðalhagfæðingur.

Reykjavík síðdegis þriðjudaginn 10. september 2019

Bíræfnir rúmenskir kortaþjófar eru að störfum hérlendis. Hvernig er best að stöðva þá og aðra óværu á borð við salmónellusmit í kjúklingum? Þingmenn ræddu málin í upphafi nýs þings og við ræddum ýmis praktísk mál eins og hraðamælingar, rafmagns- og hitavatnsmæla. Svo ræddum við að lokum um alþjóðlegan forvarnardag gegn sjálfsvígum sem er í dag.

Reykjavík síðdegis mánudaginn 9. september 2019

Í upphafi þáttar ræddum við árás manns sem stökk í sjóinn á bjargvætt sinn. Snjallvæðing samgangna var til umræðu og við heyrðum af ópruttnu fjársvikamáli og ræddum við ráðherra sveitastjórna um jarðakaup útlendinga. Að endingu komu minningartónleikar við sögu, svo og opnun sorgarmiðstöðvar.

Sprengisandur 8.9.2019 - Viðtöl þáttarins

Kristján Kristjánsson stýrir kröftugri umræðu um þjóðmalin.

Reykjavík síðdegis föstudaginn 6. september 2019

Fjármálaráðherra fór yfir fjárlögin í þættinum og við veltum fyrir okkur framtíð WOW air eftir kaupin í dag. Við heyrðum af óhollum gosdrykkjum og í ósáttum sjúkraþjálfurum. Hundaveiki í Noregi og framfarir í sjónlækningum komu líka við sögu.

Rúnar Róbertsson - Mugison spilaði Gúanó kallinn, nýtt lag

Mugison kom til Rúnars í létt spjall og var með gítarinn meðferðis. Hann skellti í frumflutning á nýju lagi, óbeinu framhaldi Gúanó stelpunnar, Gúanó karlinn.

Reykjavík síðdegis fimmtudaginn 5. september 2019

Við heyrðum í nýjum dómsmálaráðherra í þættinum og stjórnmálafræðingi í kjölfarið. Heimsókn Mike Pence var rædd og sömuleiðis samskipti Íslands og Kína. Við ræddum vinnuvikuna á Íslandi og hatursorðræðuna á netinu.

Reykjavík síðdegis miðvikudaginn 4. september 2019

Heimsókn Mike Pence var áberandi í þættinum en við ræddum líka snjallstýringu umferðarinnar á höfuðborgarsvæðinu. Íslenski þjóðbúningurinn kom líka við sögu svo og væntanleg opnun Tesla á Íslandi.

Reykjavík síðdegis þriðjudaginn 3. september 2019

Sprengihætta raftækja var til umræðu, fjármál Sorpu og hagnaður tryggingafélaganna. Auk þess ræddum við heimsókn Pence, pólitíkina í Bretlandi og skegg utanríkisráðherra sem nú er fokið. Að lokum héldum við svo upp á 100 ára afmæli flugs á Íslandi.